सिरहा : एउटा लौका ४५० रुपैयाँमा बिक्री भएको सुन्दा विश्वास गर्न कठिन हुन्छ। धेरैले त मजाकको रुपमा लिन्छ। तर, सिरहा नगरपालिका १२ सारश्वरस्थित मस्जिदमा एक व्यक्तिले चढाएको लौका डाक मार्फत चार सय ५० रुपैयाँमा बिक्री भएको छ। यहाँको मुस्लिम समुदायको खेतबारीमा कुनै नयाँ फल फल्यो भने पहिलो फल मस्जिदमा चढाउँछ। सोही चलन अनुसार स्थानीय अजमत खाँले आफ्नै बारीमा फलेको पहिलो लौका मस्जिदमा चढाए। मस्जिदले उक्त लौका डाक मार्फत ४५० रुपैयाँमा बेचेको स्थानीय अकबर मियाँले बताए।
उनका अनुसार लौकाको डाक बढाबढ भएपछि मो. कादिरले खरिद गरेका हुन्। सुरुमा मो. राजाले लौका खरिद गर्ने इच्छा जाहिर गरेका थिए। तर, उनले लौकाको मूल्य मात्र ४ सय रुपैयाँमा किन्ने बताए। त्यसपछि कादिरले आफू ४५० रुपैयाँ तिर्ने बताएपछि लौका किन्न भ्याए। मुस्लिम समुदायका व्यक्तिको खेतवारीमा फल्ने पहिलो फल मस्जिदमा जढाउँदा डाक मार्फत बिक्री गर्ने गरेको र हुने आम्दानी मस्जिदको संरक्षण तथा विकासमा लगाउने गरेको स्थानीय अब्दल रहमानले बताए। उनका अनुसार यसरी डाक मार्फत् मस्जिदले फलफूल विक्री गरेर बर्षेनी लाखौं रुपैया आम्दानी गर्छ।
सन्तोष यादव शुक्रवार, मंसिर ८, २०७४, साभारः अन्नपूर्ण पोष्टबाट
No comments:
Post a Comment